Соли гузашта Агентии хоҷагии ҷангал 177 санад оид ба шикори бе иҷозат тартиб дод
ДУШАНБЕ, 24.01.2017. /АМИТ Ховар/. Имрӯз зимни нишасти матбуотӣ Азизулло Исматзода, директори Агентии хоҷагии ҷангали назди Ҳукумати Ҷумҳурии Тоҷикистон зикр кард, ки соли 2016 хоҷагиҳои ниҳолпарварӣ ва ниҳолхонаҳои хурди назди хоҷагиҳои ҷангал 1,2 млн. бех ниҳолҳои мевадиҳанда, сояафкан ва ороиширо ба маблағи 1 миллиону 700 ҳазор сомонӣ ба фурӯш бароварданд, ки нисбат ба ҳамин давраи соли пешин 134 ҳазор бех ниҳол ва ба маблағи 291 ҳазор сомонӣ зиёд мебошад.
«Соли гузашта аз ҷониби сохторҳои Агентӣ дар масоҳати 860 гектар замин ҷангалзор бунёд гардида, барқароркунии ҷангалҳо дар масоҳати 1180 гектар ба анҷом расидааст. Ин нисбат ба соли пешин 53 гектар зиёд мебошад»,- илова намуд Азизулло Исматзода.
Дар нишаст ҳамчунин зикр гардид, ки соли гузашта аз ҷониби сохторҳои Агентӣ 17-18 намуд гиёҳҳои шифобахш ҷамъоварӣ гардид, ки дар маҷмӯъ 30 тоннаро ташкил медиҳад. Агентӣ барои ҷамъоварии гиёҳҳои шифобахш имкониятҳои бештар дорад ва ин миқдорро дар сурати аз ҷониби ширкатҳои дорусозӣ пешниҳод гардидани фармоиш метавонад зиёд намояд.
Раҷабалӣ Шарипов, муовини директори Агентӣ зикр кард, ки дар давоми соли 2016 аз тарафи кормандони хоҷагиҳои ҷангал 2051 санад оид ба қонунвайронкуниҳои қонунгузории ҷангал ба маблағи зиёда аз 385 ҳазору 400 сомонӣ зарар тартиб дода шудааст, ки аз ин 335 ҳазору 400 сомонӣ (87%) барқарор гардид.
«Аз ин қонунвайронкуниҳо 177 санад, ки маблағи 29, 1 ҳазор сомониро ташкил медиҳад, ба шикори бе иҷозат рост меояд», — илова намуд Р.Шарипов.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
