Табибони «Истиқлол» таъкидҳои Пешвои миллатро сармашқи кори худ қарор додаанд

ДУШАНБЕ, 20.01.2017. /АМИТ «Ховар»/. Дирӯз дар Маҷмааи тандурустии «Истиқлол» вобаста ба Паёми имсолаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷаласа баргузор гардид.
Тавре ки ба АМИТ «Ховар» аз хадамоти матбуоти маҷмаа хабар доданд, директори муассисаи мазкур, академики Академияи илмҳои тиббии ҷумҳурӣ Каримхон Қурбонов иброз дошт, ки кормандони Маҷмааи тандурустии «Истиқлол» оид ба Паёми Пешвои миллат хушбин буда, ҳар як таъкиди Пешвои миллатро сармашқи кори худ қарор дода, баҳри дар амал татбиқ намудани он кӯшиш ба харҷ медиҳанд.
Инчунин дар ҷаласа вакили Маҷлиси намояндагони Маҷлиси Олии кишвар Олим Бобоев оид ба рушди соҳаи иқтисодиёти ҷумҳурӣ ибрози назар карда, баён дошт, ки рӯз аз рӯз сатҳи зиндагии мардум беҳтар гардида, шумораи соҳибкорон ва корхонаҳо меафзояд.
Вакили Маҷлиси намояндагони Маҷлиси Олии кишвар Эмомалӣ Насриддинзода эълон гардидани соли 2017 — ро ҳамчун соли ҷавонон барои дастгирии ҳамаҷонибаи ҷавонон дар ин сол фоли нек номид.