Таъсиси медали ҷашнӣ

ДУШАНБЕ,19.01.2017/АМИТ «Ховар»/. Ба ифтихори 25 — умин солгарди таъсиси Хадамоти гумруки назди Ҳукумати Ҷумҳурии Тоҷикистон, ки 22 январ таҷлил мегардад, медали ҷашнии «25- солагии мақомоти гумруки Ҷумҳурии Тоҷикистон» таъсис дода шуд.
Бо медали ҷашнии «25 солагии мақомоти гумруки Ҷумҳурии Тоҷикистон» шахсони мансабдори мақомоти гумруки кишвар, ки дар фаъолияти хизматӣ ба натиҷаҳои баланд ноил гардидаанд, инчунин кормандоне, ки ҳангоми иҷрои вазифаи хизматӣ шуҷоатмандӣ ва фидокорӣ нишон дода, дорои интизоми намунавианд ва дар таъмини ҳимояи манфиатҳои иқтисодии кишвар нақши босазо гузоштаанд, мукофотонида мешаванд.
Аз Хадамоти гумруки назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки бо медали ҷашнии «25-солагии мақомоти гумруки Ҷумҳурии Тоҷикистон» ҳамзамон кормандони дигар вазорату идораҳое, ки бо мақомоти гумрук барои амалигардонии вазифаҳои дар назди мақомот гузошта шуда ҳамкорӣ доранд, сарфароз мегарданд.