То 13 январ кишварро ҳавои сард фаро мегирад
ДУШАНБЕ, 11.01.2017 /АМИТ «Ховар»/. Рӯзҳои 11 ва 13 январ кишварро ҳавои сард фаро гирифта, ҳарорати ҳаво дар аксар минтақаҳои кишвар поин мефарояд. Ҳаво дар минтақаҳои кӯҳии вилояти Суғд, навоҳии тобеи марказ ва ВМКБ аз 13 то 18 дараҷа сард хоҳад шуд.
Дар ин бора аз Маркази обуҳавошиносии Тоҷикистон хабар доданд. Ба иттилои манбаъ, имрӯз дар шаҳри Душанбе ҳавои абрнок ва дар баъзе ҳолатҳо бориши борону барф дар назар дошта шудааст. Шамол аз самти шарқ бо суръати аз 2 то 7 метр дар як сония мевазад. Ҳаво шабона 2 дараҷа хунук ва рӯзона аз 6 то 8 дараҷа гарм мешавад.
Дар вилояти Бадахшон ҳаво тағйирёбандаи бебориш мешавад. Шамол аз самти шарқ бо суръати аз 2 то 7 метр дар як сония мевазад. Ҳаво дар ғарби вилоят шабона аз 12 то 17 дараҷа, дар баъзе ҷойҳо то 20-25 ва рӯзона аз 5 то 10 дараҷа хунук мешавад. Дар шарқи ин вилоят шабона 32-37 ва рӯзона аз 14 то 19 дараҷа хунук хоҳад шуд. Дар минтақаи Булункул шабона то 50 дараҷа ва рӯзона 15-20 дараҷа сардӣ пешгӯйӣ мешавад.
Дар вилояти Xатлон ҳавои абрнок ва дар баъзе ҳолатҳо бориши борону барф дар назар дошта шудааст. Шамол аз самти шарқ бо суръати аз 3 то 8 метр дар як сония мевазад. Ҳаво шабона дар водиҳо аз 4 дараҷа хунук то 1 дараҷа гарм ва рӯзона аз 1 то 6 дараҷа гарм мешавад.
Дар вилояти Суғд ҳавои абрнок ва дар баъзе ҳолатҳо бориши борону барф пешгӯйӣ мешавад. Шамол аз самти шарқ бо суръати аз 3 то 8 метр дар як сония мевазад. Дар водиҳо шабона аз 3 дараҷа хунук то 2 дараҷа гарм ва рӯзона то 5 дараҷа гарм мешавад.
Дар ноҳияҳои тобеи марказ ҳавои абрнок, дар ноҳияҳои алоҳида баъзан бориши барфу борон ба амал меояд. Шамол аз самти шарқ бо суръати аз 2 то 7 метр дар як сония мевазад. Ҳаво дар водиҳо шабона то 5 дараҷа хунук ва рӯзона аз 3 то 8 дараҷа гарм мешавад. Дар кӯҳҳо ҳаво шабона аз 9 то 14, дар баъзе ҷойҳо то 20 дараҷа хунук ва рӯзона аз 3 то 8 дараҷа хунук хоҳад шуд.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
