Тоҷикистон — Эстония- 1:1

ДУШАНБЕ, 12.01.2017/АМИТ «Ховар»/. Дастаи мунтахаби ҷавонони то 18-солаи мамлакат оид ба футбол дар бозии даври охири гурӯҳи «А» дар мусобиқаи байналмилалӣ барои хотира ва ҷоизаи аввалин ноиби президенти ФИФА Валентин Гранаткин, ки дар шаҳри Санкт Петербурги Россия идома дорад, бо дастаи мунтахаби Эстония вохӯрда, бозиро бо натиҷаи 1:1 мусовӣ анҷом дод. Голро аз дастаи Тоҷикистон Шериддин Бобоев ба нишон расонд.
То анҷоми бозии дигари гурӯҳи «А» -Булғория ва Юнон футболбозони тоҷик дар зинаи дуюм ҷой гирифтаанд ва тақдири роҳхат ба бозиҳои оянда аз натиҷаи бозии байни ин дастаҳо маълум хоҳад шуд.