«Тоҷикстандарт» воридоти равғани нахл ва маҳсулотеро, ки навъашон дар ҷумҳурӣ бо сифати баланд истеҳсол мешавад, маҳдуд мекунад
ДУШАНБЕ, 13.01.2017 /АМИТ «Ховар»/. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон тасмим гирифтааст, ки дар ояндаи наздик воридоти баъзе маҳсулоти ба бозори истеъмолӣ лозимнабуда, аз қабили равғани нахл, инчунин маҳсулотеро, ки навъашон (ҳаммонандашон) дар ҷумҳурӣ бо сифати баланд истеҳсол мешаванд ва талаботи бозорро пурра қонеъ гардонида метавонанд, маҳдуд намояд. Дар ин бора директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон Ибодулло Қурбониён имрӯз зимни нишасти матбуотӣ хабар дод.
Тавре Ибодулло Қурбониён зикр намуд, ин тадбир бо назардошти пурзӯр гаштани назорати бозори истеъмолӣ ва дар асоси талаботи санадҳои меъёрӣ-ҳуқуқии қабулгардида андешида шудааст.
Бино ба маълумоте, ки аз ҷониби роҳбарият пешниҳод гардид, бо мақсади ҳимояи бозори истеъмолӣ аз воридоти бозичаҳои пластикии бесифат ва хатарнок, ки асосан аз Ҷумҳурии Халқии Хитой ворид карда мешаванд, нозирони Агентии «Тоҷикстандарт» дар бозорҳо ва нуқтаҳои савдо санҷиш гузаронида, ба миқдори зиёда аз 13 000 дона бозичаҳои ба тариқи қочоқ ба қаламрави кишвар воридшударо ошкор карда, аз муомилот гирифтанд.
Роҳбари Агентӣ ҳамчунин илова намуд, ки нисбат ба воридкунандагон ва соҳибкороне, ки ин бозичаҳоро бе ҳуҷҷати тасдиқкунандаи сифат ва бехатарӣ ба муомилот баровардаанд, мутобиқи Кодекси ҳуқуқвайронкунии маъмурӣ тадбирҳои мушаххас андешида шуда, дар айни замон корҳо дар ин самт идома доранд. Ҳамзамон дар ин самт дар асоси дархости Прокуратураи генералии Ҷумҳурии Тоҷикистон ва зерсохторҳои он дар 27 ҳолат нисбат ба бозичаҳо барои чораҷӯӣ хулосаи ташхисии ғайристандартӣ пешниҳод карда шудааст.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
