Дар ноҳияи Ховалинг семинари амалӣ бо мақсади рушди соҳаи кишоварзӣ доир гардид
ХОВАЛИНГ, 16.02.2017 /АМИТ «Ховар»/. Дар ноҳияи Ховалинг семинари омӯзишӣ доир гардид. Тавре хабарнигори минтақавии АМИТ «Ховар» хабар дод, семинар бо мақсади рушди соҳаи кишоварзӣ, баланд бардоштани сатҳи дониши соҳавии кишоварзон ва омӯзонидани роҳу усул ва қоидаҳои агротехникии коркарди боғу токзор, меваю сабзавот, маҳсулоти полезӣ, нигоҳдории чорвои калони шохдор ва моли майда гузаронида шуд. Дар семинар зикр шуд, ки солҳои охир бо тағйирёбии иқлими сайёра бисёр бемориҳое пайдо шудаанд, ки ба паст шудани ҳосилнокии маҳсулоти кишоварзӣ оварда мерасонанд.
Сол ба сол васеъ намудани майдони боғҳо ва парвариши дарахтони гуногун, ки хусусан аз хориҷи кишвар оварда мешаванд, дар фаъолияти кишоварзон мушкилӣ пеш овардааст. Ин гуна семинарҳо метавонанд тарзу усул ва вақти гузаронидани корҳои агротехникиро ба таври амалӣ ба деҳқонон нишон диҳанд. Солҳои охир кишоварзони ноҳияи Ховалинг дар парвариши сабзавот низ ба муваффақият ноил гардиданд. Деҳқонон тавонистанд бо васеъ намудани майдони кишти картошкаю пиёз, помидору қаламфур, сабзаҷот ва полезӣ талаботи сокинони ноҳияро қонеъ гардонида, як миқдор маҳсулотро берун аз ноҳия ба фурӯш бароранд.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






