Доварони бозии «Дордой» ва «Ҳосилот» таъйин шуданд

ДУШАНБЕ, 10.02.2017/АМИТ «Ховар»/. Вохӯрии байни дастаҳои «Дордой»-и Қирғизистон ва «Ҳосилот»-и Тоҷикистонро дар бозии аввали плей-оффи Ҷоми Конфедератсияи футболи Осиё (КФО), ки дар варзишгоҳи шаҳри Ӯш, 21 феврал соати 13 ба вақти Душанбе барпо мегардад, доварон аз кишвари Чин бо роҳбарии Ванг Ди ҳакамӣ мекунанд.
Ба ӯ Сян Ши ва Чжан Чен ҳамчун доварони канорӣ кумак мерасонанд. Довари эҳтиётӣ аз Покистон-Муҳаммад Аҳмад Рауф таъйин шудааст.
Бозии ҷавобии ин дастаҳо 28 феврал дар Варзишгоҳи марказии пойтахт мегузарад. Аз рӯи натиҷаи ду вохӯрӣ дастаи ғолиб ба гурӯҳи «Д»-и Осиёи марказӣ, ки дастаҳои «Истиқлол»-и Душанбе, Алтин Асир»-и Туркманистон ва «Алай»-и Қирғизистон қарор доранд, ҳамроҳ мешавад.