Имрӯз дар ҷумҳурӣ ҳаво тағйирёбандаи бебориш мешавад

ДУШАНБЕ, 24.02.2017./АМИТ «Ховар»/. Имрӯз дар тамоми ҷумҳурӣ ҳавои тағйирёбандаи бебориш дар назар дошта шудааст. Тавре мутахассисони Агентии обуҳавошиносии кишвар иттилоъ доданд, ҳаво дар шаҳри Душанбе аз 13 то 15 дараҷа гарм мешавад.
Дар ғарби Вилояти Мухтори Кӯҳистони Бадахшон аз 4 дараҷа хунук то 1 дараҷа гарм ва дар шарқи ин вилоят аз 9 то 14 дараҷа хунук хоҳад шуд. Дар водиҳои вилояти Хатлон аз 12 то 17 дараҷа гармӣ пешбинӣ шудааст. Дар ноҳияҳои кӯҳӣ ҳарорати ҳаво аз 8 то 13 дараҷа гарм мешавад.
Дар баъзе ноҳияҳои вилояти Суғд фаромадани туман аз эҳтимол дур нест. Дар водиҳо шабона аз 8 то 13 дараҷа гарм хоҳад шуд. Ҳаво дар ноҳияҳои тобеи марказ аз 11 то 16 дараҷа гарм мешавад.