Наҷотдиҳандагон як зани ҷавонро аз об бароварданд

ДУШАНБЕ, 28.02.2017 /АМИТ «Ховар»/. Наҷотдиҳандагони Ситоди Кумитаи ҳолатҳои фавқулода ва мудофиаи граждании Ҷумҳурии Тоҷикистон дар шаҳри Хуҷанд зани ҷавони 28-соларо, ки кӯшиши худкушӣ дошт, наҷот доданд. Дар ин бора аз маркази матбуоти Кумитаи мазкур иттилоъ доданд.
Бино ба иттилои манбаъ, тақрибан соати 8:30-и 27 феврали соли равон, сокини 28-солаи шаҳри Бӯстони вилояти Суғд, шаҳрванд Н.Н. соли таваллудаш 1989, худро аз пули мошингард ба дарёи Сир партофт. Наҷотдиҳандагон дар як муддати кўтоҳ зани ҷавонро аз оби сарди Сирдарё бароварда, ба ў кумак аввалини тиббӣ расониданд.
Айни замон саломатии ӯ қаноатбахш мебошад.