Раёсати қӯшунҳои дохилӣ ғолиби мусобиқаи гӯштини миллӣ эълон гардид
ДУШАНБЕ, 03.02.2017. /АМИТ «Ховар»/. Дирӯз даври ниҳоии мусобиқаи шахсӣ-даставӣ оид ба гӯштини миллӣ, ки тайи ду рӯз идома дошт, ҷамъбаст гардид.
Тавре аз Вазорати корҳои дохилии Ҷумҳурии Тоҷикистон хабар доданд, дар мусобиқа варзишгарони мактабҳои гуногуни варзишии ҷумҳурӣ, намояндагони мақомоти ҳифзи ҳуқуқ ва ташкилоту идораҳои давлатӣ иштирок намуда, дар назди тамошобинону мухлисони зиёди ин намуди варзиш ҳунару маҳорати худро нишон доданд.
Варзишгарон аз рўйи вазнҳои 60, 70, 80, 90, 100 ва беш аз 100 килограмм ба майдон баромаданд. Қувваозмоии иштирокчиёни мусобиқаро доварони шинохтаи ҷумҳурӣ баҳогузорӣ намуданд.
Ҳамин тариқ, аз натиҷаи рақобатҳои давра ба давраи гӯштингирон ғолибон дар вазнҳои худ муайян гардиданд.
Аз рӯи ғолибияти бештари варзишгарон дастаҳои ғолиб низ маълум гаштанд. Дастаи гӯштингирони Раёсати қӯшунҳои дохилии Вазорати корҳои дохилӣ ғолиби мусобиқаи гӯштини миллӣ эълон гардида, дастаи «Динамо»-и Вазорат ҷойи дуюм, варзишгарони дастаи Кумитаи давлатии амнияти миллӣ ғолиби ҷойи сеюм дониста шуданд.
Ғолибони мусобиқа бо Ҷом, медал, ифтихорнома ва туҳфаҳои хотиравӣ сарфароз гардонида шуданд.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






