Сафири Тоҷикистон ба Президенти Италия эътимоднома супорид
ДУШАНБЕ, 15.02.2017 /АМИТ «Ховар»/. Дар қасри Квириналеи Рим 13 феврал маросими супоридани эътимодномаи Сафири Фавқулода ва Мухтори Ҷумҳурии Тоҷикистон дар Ҷумҳурии Италия Исматулло Насрединов ба Президенти Ҷумҳурии Италия Серҷо Маттарелла баргузор гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, баъд аз маросими супоридани эътимоднома суҳбати Сафири Ҷумҳурии Тоҷикистон бо Президенти Ҷумҳурии Италия баргузор гардид. Зимни он Вазири корҳои хориҷӣ ва ҳамкориҳои байналхалқии ин кишвар Анҷелино Алфано ширкат варзид.
Дар ҷараёни суҳбат И.Насрединов салому дуруди Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба ҳамтои италиявиаш расонид. Президенти Ҷумҳурии Италия дар ҷавоб изҳори сипос намуда, аҳамияти таъйини Сафири Тоҷикистонро дар кишвари худ барои рушди робитаҳои дуҷониба таъкид кард.
Ҳамсуҳбатҳо дурнамои муносибатҳои ду кишвари дӯстро дар самтҳои гуногун муҳокима намуданд.
Дар анҷоми суҳбат Президенти Ҷумҳурии Италия ба роҳбарият ва мардуми Тоҷикистон комёбӣ ва пешравиҳо таманно намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
