Шариф Шарифзода: «Саҳми соҳибкорони Хуҷанд дар ташаккули буҷети шаҳр зиёда аз 85 %-ро ташкил медиҳад»
ХУҶАНД, 22.02.2017. /АМИТ «Ховар»/. Дирӯз дар шаҳри Хуҷанд мулоқоти озоди Раиси шаҳр Шариф Шарифзода бо беш аз 150 нафар соҳибкорон, роҳбарони корхонаю ташкилот ва ширкатҳои истеҳсолӣ доир гардид.
Тавре ба АМИТ «Ховар» аз шуъбаи ташкилии мақомоти иҷроияи ҳокимияти давлатии шаҳри Хуҷанд хабар доданд, Раиси шаҳри Хуҷанд аз нуктаҳои асосии Паёми навбатии Пешвои миллат Эмомалӣ Раҳмон оид ба фаъолияти соҳибкорӣ дар ҷумҳурӣ ёдоварӣ намуда, гуфт: «Имрӯз сиёсати давлату Ҳукумати Ҷумҳурии Тоҷикистон ба он равона карда шудааст, ки ба тақвияти истеҳсоли маҳсулоти воридотивазкунанда диққати махсус дода шавад. Дар ин радиф дар маркази вилояти Суғд давоми чанд соли охир истеҳсоли маҳсулоти саноатӣ рӯ ба афзоиш оварда, содироти даҳҳо номгӯй маҳсулоти ашёи хом ба хориҷи кишвар кам гардид. Ин маҳсулот дар корхонаҳои ватанӣ коркард, истеҳсол ва бандубаст мегардад, ки ин имкон медиҳад, то молу маҳсулоти истеҳсоли ватанӣ дар бозорҳои дохиливу хориҷӣ рақобатпазир гарданд. Дар ин ҷода саҳми соҳибкорони ватанӣ назаррас мебошад».
Дар вохӯрӣ ҳамчунин Эмелио Кателло, президенти яке аз ширкатҳои бонуфузи ҷаҳон «Каррера», ки яке аз бахшҳои ин коргоҳ дар шаҳри Хуҷанд фаъолият дорад, ширкат намуда, аз шароити мусоид ва дастгирии ҳамаҷонибаи Ҳукумати Тоҷикистон баҳри рушди соҳибкорӣ дар мамлакат иброз қаноатмандӣ кард.
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
