«Сомон Эйр» нархи чиптаро ба самти Тошканд муайян кард
ДУШАНБЕ, 01.02.2017. /АМИТ «Ховар»/. Аввалин парвози мунтазам тариқи хатсайри Душанбе-Тошканд -Душанбе 20 феврал фаъол хоҳад гашт.
Дар ин бора ба АМИТ «Ховар» котиби матбуотии ширкати ҳавопаймоии «Сомон Эйр» Темур Бандишоев иттилоъ дод.
Бино ба иттилои Т. Бандишоев, арзиши чипта ба як самт бо назардошти маблағи хизматрасониҳои фурудгоҳ аз 1164 сомонӣ шурӯъ мешавад. Арзиш пеш аз ҳама, аз рӯи маблағи хизматрасониҳои фурудгоҳӣ барои як мусофир дар фурудгоҳи Тошканд, ки 76 доллари ИМА-ро ташкил медиҳад, асоснок мегардад. Дар назар аст, ки баъди гузаронидани мулоқот бо фурудгоҳи Тошканд ва дар ҳолати гирифтани тахфиф ба хизматрасониҳои фурудгоҳӣ, имконияти коҳиш додани нархи чиптаҳо дар самти мазкур мавриди баррасӣ қарор хоҳад гирифт.
Кушодашавии хатсайри нав ба сокинони Тоҷикистон ва Ўзбекистон имкон медиҳад, ки рафту омади худро дар ду самт осон ва дар баробари ин ширкати ҳавопаймоӣ тавассути хатсайрҳои транзитӣ самти парвозҳои худро аз фурудгоҳи Тошканд ба дигар кишварҳои ҷаҳон зиёд намояд.
Вақти парвоз аз шаҳри Душанбе соати 10-00 рӯзона мебошад. Вақти парвоз аз шаҳри Тошканд соати 12-00 нисфирӯзӣ сурат мегирад. Парвоз 45 дақиқаро дарбар хоҳад гирифт.
Гуфта мешавад, ки 10 феврал ҳавопаймо бо хатсайри санҷишӣ ва иштироки намояндагони сохторҳои авиатсионии Тоҷикистон парвоз мекунад. Роҳбарияти ширкати ҳавопаймоии «Сомон Эйр» ният доранд бо намояндагони фурудгоҳи шаҳри Тошканд ва ширкати ҳавопаймоии «Ӯзбекистон Ҳаво Йуллари» музокирот намуда, тамоми масъалаҳои ташкилиро вобаста ба кушодани хатсайри мунтазам баррасӣ намоянд.
Феълан «Сомон Эйр» парвозҳоро аз Тоҷикистон ба Олмон, АМА, Туркия, Хитой, Россия ва Қазоқистон бомуваффақият иҷро мекунад.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
