Тақдими китоб бахшида ба ҷашни Наврўзи байналмилалӣ
ДУШАНБЕ, 15.02.2017 /АМИТ «Ховар»/. Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳои Ҷумҳурии Тоҷикистон бахшида ба ҷашни Наврўзи байналмилалӣ дирӯз теъдоди муайяни китобҳои ба нашр расонидаи олимони институтро ба китобхонаҳои донишгоҳу донишкадаҳои ҷумҳурӣ тақдим намуд.
Тавре аз Хадамоти матбуоти Академияи илмҳои Тоҷикистон хабар доданд, ҷилдҳои нодири «Таърихи фалсафаи тоҷик» ва баъзе аз ҷилдҳои «Осори Ибни Сино» аз қабили китобҳои ҳадяшуда буданд. «Ин амал ба хотири баланд бардоштани майли инсонҳо ба мутолиаи осори илмии ниёгонамон дар байни доираи васеи донишҷўёну омўзгорони мактабҳои олӣ роҳандозӣ шудааст. Институти фалсафа, сиёсатшиносӣ ва ҳуқуқ тасмим гирифтааст дар арафаи ҷашни Наврўз иқдоми ҳадя кардани китобҳои классикони фалсафаи тоҷикро ба китобхонаҳои кишвар роҳандозӣ намояд»,-хабар дод манбаъ.
Лозим ба ёдоварист, ки олимони Институти фалсафа, сиёсатшиносӣ ва ҳуқуқ инчунин ба тарҷумаи осори намояндагони фалсафаи классикии халқи тоҷик ба забони русӣ машғуланд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
