Талаби пул ба ҷойи дониш аз донишҷӯёни Коллеҷи тиббии шаҳри Турсунзода
ДУШАНБЕ, 13.02.2017 /АМИТ «Ховар»/. Дар асоси муроҷиати волидайни ду нафар донишҷӯёни Муассисаи давлатии «Коллеҷи тиббии шаҳри Турсунзода» аз тарафи Прокуратураи генералии Ҷумҳурии Тоҷикистон санҷиши прокурорӣ гузаронида шуд. Дар натиҷаи ин санҷиш муайян гардид¸ ки 20 январи соли 2016 Сафаров Аҳмад Бурҳонович, директори Коллеҷи мазкур аз яке 3500 сомонӣ ва Ҳасанов Иброҳим Зубайдович, сармуҳосиби ин таълимгоҳ 25 январи соли 2017 аз дигарӣ 8000 сомонӣ маблағро ғайриқонунӣ гирифтаанд.
Дар ин бора аз Маркази матбуоти Прокуратураи генералии Ҷумҳурии Тоҷикистон хабар дода, зикр карданд, ки дар Муассисаи давлатии «Коллеҷи тиббии шаҳри Турсунзода» соли 2016 шуъбаи дорусозӣ таъсис ёфта, қабули довталабон ба он тариқи шартномавӣ ба роҳ монда шудааст. Номбурдагон бо мақсади ба даст даровардани фоидаи муфт дар вақти қабули ҳуҷҷатҳои довталабон бо волидони онҳо вохӯрда, шарт гузоштаанд, ки ба ғайр аз маблағи шартномавии муайяншуда маблағи иловагӣ дар ҳаҷми аз 1000 то 1500 доллари ИМА-ро супоранд.
«А.Сафаров ва И.Ҳасанов охирҳои соли 2016 ва аввалҳои соли 2017 аз волидони аксари донишҷӯёни шуъбаи мазкур, ки 51 нафар мебошанд, маблағҳои калони пулӣ талаб карда гирифтаанд. Волидайни ду нафар донишҷӯ натавонистанд, ки маблағи иловагии талабкардаи онҳоро партохт намоянд. Ин сабаби ба имтиҳонҳои нимсолаи аввали соли хониш роҳ наёфтан ва хориҷ шудани фарзандони онҳо аз Коллеҷ гардидааст»,- афзуд манбаъ ва илова кард, ки дар рафти тадбирҳои гузаронидашуда далелҳои шайъӣ- маблағҳои ба ҳайси пора гирифташуда аз утоқи кории директори Коллеҷ А.Сафаров ёфт ва мусодира гардидаанд.
Нисбат ба айбдоршавандагон бо моддаи 319, қисми 4, бандҳои «б, в» Кодекси ҷиноятии Ҷумҳурии Тоҷикистон парвандаи ҷиноятӣ оғоз гардидааст.
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
