Абдулло Навҷувонов: «Наврӯз-ваҳдату ягонагӣ ва ҳамдилист»
ДУШАНБЕ, 29.03.2017. /АМИТ «Ховар»/. Дирӯз дар қисми низомии 3502-и Раёсати қӯшунҳои дохилии Вазорати корҳои дохилии Ҷумҳурии Тоҷикистон Иди байналмиллалии Наврӯз бо шукӯҳу шаҳомати хоса таҷлил карда шуд. Дар ин бора аз Вазорати корҳои дохилии Ҷумҳурии Тоҷикистон хабар доданд.
Дар идгоҳ ҳар як раёсат гӯшаи алоҳидаеро бо рамзи Наврӯз зебу зиннат дода, дар он нақшу нигори миллӣ, асбобҳои гуногуни халқӣ, дастархони идона, рамзҳои ҳафтшину ҳафтсин ва таомҳои миллиро, ки аз ниёгони мо то ба имрӯз боқӣ мондаанд, бо маҳорати баланд ба намоиш гузоштанд.
Дар ҷараёни чорабинии идона барои мухлисони варзиш мусобиқаҳои варзишии наврӯзӣ, аз қабили гӯштини миллӣ, бандкашӣ ва сангбардорӣ баргузор гардид. Шумораи зиёди паҳлавонони далеру обутобёфта дар назди мухлисону тамошобинон қувваи бозуи худро нишон дода, ғолибони мусобиқа бо медалу Ифтихорнома ва туҳфаҳои хотиравӣ сарфароз гардонида шуданд.
Дар маҳфили идона муовини Вазири корҳои дохилӣ Абдулло Навҷувонов тамоми ҳайати шахсӣ ва собиқадорони мақомоти корҳои дохилиро бо ҷашни Наврӯз табрик намуда, ба онҳо ободии рӯзгор ва некӯаҳволии зиндагӣ таманно намуд. Мавсуф иброз дошт, ки «ҷамъ омадан дар ин мавзеи зебоманзар аз шарофати Наврӯзи Аҷам ва қадами мубораки баҳори хуррам ба ин мулки биҳиштосо буда, яке аз суннатҳои ин ҷашни аҷдодӣ — ваҳдату ягонагӣ, муттаҳидӣ ва ҳамдилӣ имрӯз мову Шуморо гирди ҳам овардааст».
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
