Абдураҳмон Қодирӣ ҳайати намояндагони Парлумони Ҷумҳурии Латвияро ба ҳузур пазируфт
ДУШАНБЕ, 07.03.2017 /АМИТ «Ховар»/. Дирӯз Раиси вилояти Суғд Абдураҳмон Қодирӣ ҳайати намояндагони Парлумони Ҷумҳурии Латвия бо роҳбарии Вейко Сполитисро ба ҳузур пазируфт.
Тавре аз Мақомоти иҷроияи ҳокимияти давлатии вилояти Суғд хабар доданд, Абдураҳмон Қодирӣ зикр намуд, ки «дар доираи меморандум байни Ҷумҳурии Тоҷикистон ва Ҷумҳурии Латвия, ки онро роҳбарони сатҳи олии ҳарду кишвар ба имзо расонидаанд, метавон ҳамкории тарафайнро боз ҳам тақвият бахшид».
Вейко Сполитис иброз дошт, ки меваҳои шаҳдбори Тоҷикистон, аз ҷумла вилояти Суғд аз ҷиҳати экологӣ тоза буда, дар хориҷи дур харидорони сершумор доранд ва ба роҳ мондани содироти хушкмеваи он боиси муаррифӣ ва боло рафтани нуфузи Тоҷикистон хоҳад гардид.
Дар идомаи мулоқот ҷонибҳо доир ба тақвияти ҳамкорӣ дар соҳаи маориф, аз ҷумла тариқи буҷавӣ таҳсил намудани ҷавонони Тоҷикистон дар муассисаҳои олии Латвия мубодилаи афкор намуда, хоҳони густариши ҳамкорӣ дар соҳаҳои саноат, тандурустӣ, энергетика, туризм, оби нӯшокӣ шуданд ва омодагии худро барои вусъати ҳамкорӣ дар оянда баён доштанд.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
