Ҳалокати ҳафт нафар дар садамаҳои нохуши нақлиётӣ
ДУШАНБЕ, 09.03.2017. /АМИТ «Ховар»/. 8 марти соли равон ронандаи мошини тамғаи «ВАЗ-21099», марди 27-солаи сокини ноҳияи Фархор, ҳангоми ҳаракат аз шаҳри Душанбе ба самти шаҳри Кӯлоб, дар ҳудуди ноҳияи Данғара, аз уҳдаи идораи воситаи нақлиёт набаромада, ба мошини тамғаи «Опел-Астра», таҳти идораи ронанда, марди 43-солаи сокини шаҳри Кӯлоб, ки ба самти шаҳри Душанбе ҳаракат мекард, бармехӯрад ва дар натиҷа 5 нафар ба ҳалокат расидааст. Дар ин бора аз Вазорати корҳои дохилии Ҷумҳурии Тоҷикистон хабар доданд.
Дар натиҷаи ин садама ронандаи мошини «ВАЗ-21099» ва мусофирони он: зани 49-солаи сокини шаҳри Душанбе, марди 55-сола ва зани 56-солаи сокинони ноҳияи Ҳамадонӣ, инчунин мусофирони мошини «Опел-Астра»: зани 56-сола ва писарбачаи 7-солаи сокинони ноҳияи Данғара ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд. Ронандаи мошини «Опел-Астра» ва мусофири дигари мошини мазкур, марди 80-солаи сокини ноҳияи Муъминобод ҷароҳати ҷисмонӣ бардошта, дар беморхона бистарӣ гардидаанд.
Ҳамчунин дар ин рӯз ронандаи мошини «Тайота-Кемри», марди 36-солаи сокини шаҳри Душанбе, ҳангоми ҳаракат бо кӯчаи «Дӯстии халқҳо», бехатарии ҳаракат дар роҳро таъмин карда натавониста, зани 56-солаи сокини шаҳри Душанберо пахш намудааст, ки дар натиҷа, пиёдагард ҷароҳати вазнини ҷисмонӣ бардошта, дар беморхона ба ҳалокат расидааст.
Ба гуфтаи манбаъ, таҳқиқи ҳодисаҳои зикргардида аз ҷониби Вазорати корҳои дохилӣ идома дорад.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
