«Арӯси наврӯзӣ» — озмун дар Донишкадаи молия ва иқтисоди Тоҷикистон
ДУШАНБЕ, 02.03.2017. /АМИТ «Ховар»/. Бо мақсади тарбияи донишҷӯдухтарон дар рӯҳияи худшиносию илмомӯзӣ, одоби оиладорӣ, ҳамчунин сайқал додани маҳорати ҳозирҷавобӣ, кадбонугиву рӯзгордорӣ ва оиладорӣ имрӯз дар Донишкадаи молия ва иқтисоди Тоҷикистон озмуни донишкадавии «Арӯси наврӯзӣ» баргузор шуд.
Тавре котиби матбуоти донишкада Машҳура Абдуллоева хабар дод, дар озмун донишҷӯдухтарони 6 факултет ва шуъбаи магистратура иштирок доштанд. Духтарон аз рӯи шартҳот намоиши либоси наврӯзӣ, соҳибхонагӣ, кадбонугӣ, ҳозирҷавобӣ ва соҳибҳунарӣ маҳорати худро нишон доданд. Онҳо бо намоиш додани либосҳои миллии қадимӣ ва муосир, омода кардани хӯришҳои наврӯзӣ, ҷавоб додан ба саволҳои марбут ба устувории оила ва рӯзгордорӣ, ҳамчунин аз таърихи ҷашни Наврӯз ва суннатҳои он байни ҳам сабқат карданд.
Духтарон тамоми маҳорату кордонӣ, назокату фаросат ва донишашонро ба ҳозирин намоиш доданд. Дилноза Шавкатзода аз шуъбаи магистратура ҷои аввалро сазовор гашта, ба озмуни ҷумҳуриявӣ роҳҳат гирифт.
Бояд гуфт, ки баргузории ин қабил озмунҳо барои баланд бардоштани фарҳанги оиладорӣ ва ба ҳаёти мустақилона омода намудани ҷавондухтарон мусоидат менамояд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
