Армуғони наврӯзии Вазорати молияи Тоҷикистон ба Мактаб-интернати ҷумҳуриявии кӯдакони ятими шаҳри Кӯлоб
ДУШАНБЕ, 18.03.2017./ АМИТ «Ховар»/. Дар арафаи иди Наврӯз бо мақсади рӯҳбаланд намудани тарбиятгирандагони Мактаб-интернати ҷумҳуриявии кӯдакони ятими шаҳри Кӯлоб аз ҷониби Вазорати молияи Ҷумҳурии Тоҷикистон ва зерсохторҳои он кӯдакони ин муассисаро бо либос, пойафзол, тухфаҳои идона ва маводи ғизоӣ таъмин карда шуданд. Тавре ба АМИТ «Ховар» аз Вазорати молия хабар доданд, дар ин иқдом инчунин роҳбарон ва кормандони Сарраёсати молияи вилояти Хатлон, Раёсати молияи шаҳри Кӯлоб ва Раёсати молияи минтақаи Кӯлоб саҳми худро гузошта, барои толибилмон туҳфахои идона ва дастурхони идонаи наврӯзӣ оростанд.
Тарбиятгирандагони мактаб-интернат бахшида ба иди Наврӯзи Аҷам барномаи консертии худро бо шеъру тарона ва рақсу сурудхонӣ пешкаши ҳозирин намуданд.
Мактаб — интернати ҷумҳуриявии кӯдакони ятими шаҳри Кӯлоб аз соли 1997 дар заминаи Омӯзишгоҳи касбӣ-техникии шаҳри Кӯлоб таъсис ёфтааст. Дар оғози фаъолият интернат тавонист 103 ятимро ба таълим фаро гирад.
Аз 12 январи соли 2008 инҷониб Вазорати молияи кишвар сарпарастии ин мактаб-интернатро бар зимаи худ гирифта, ҳамасола дар ҳамаи иду ҷашнҳо бо кумакҳои моддиву маишӣ толибилмони ин даргоҳро таъмин менамояд.
Дар айни замон 270 нафар тарбиятгиранда бо шароити хуби буду бош ба таҳсил фаро гирифта шудаанд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
