«Ҷавонон-пайрави Пешвои миллат»-ҳамоиш дар шаҳри Панҷакент

ДУШАНБЕ, 18.03.2017 /АМИТ «Ховар»/. Дирӯз дар Кумитаи иҷроияи Ҳизби халқии демократии Тоҷикистон дар шаҳри Панҷакент таҳти унвони «Ҷавонон- пайрави Пешвои миллат» ҷаласа баргузор гардид.
Тавре Некрӯз Кенҷаев, мудири бахши ҷавонони шаҳри Панҷакент ба АМИТ «Ховар» иттилоъ дод, дар ҷаласа донишҷӯёни коллеҷу донишкадаҳо, омӯзгорон ва олимони ҷавон иштирок намуданд.
Дар ҳамоиш зикр гардид, ки мавқеи фаъоли ҷавононро дар рушди Тоҷикистон ба инобат гирифта, Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2017- ро дар Тоҷикистон Соли ҷавонон эълон намуданд.
«Мо ҷавонон аз таваҷҷуҳи Пешвои миллат рӯҳу тавони тоза гирифта, ба Модар-Ватан хизмати содиқона мекунем. Марзу буми Тоҷикистонро ҳифз намуда, дар ҳимояи манфиатҳои давлату миллат ҳушёр буданро қарзи худ медонем»,- гуфта шуд дар ҷаласа.
Ҳамоиши «Ҷавонон- пайрави Пешвои миллат» ба ифтихори Соли ҷавонон роҳандозӣ гардидааст.