Бедилшиносон дар Душанбе дипломатияи мардумиро баррасӣ менамоянд

ДУШАНБЕ, 10.03.2017/АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон тасмим гирифтааст, ки зимни баргузории ҳамоиш таҳти унвони«Осори Бедил ва рушди дипломатияи мардумии фарҳангӣ дар минтақа», ки 13 март дар Душанбе доир мегардад, бедилшиносонро гирд орад.
Интизор меравад, ки дар ҳамоиш донишмандони бахшҳои таърихи дипломатия, таъриху адабиётшиносӣ, мардумшиносиву фарҳангшиносии ватанию хориҷӣ ҷамъ омада, доир ба паҳлӯҳои осори шоир ва мутафаккири бузурги тоҷик Мирзоабдулқодири Бедил ва рушди дипломатияи мардумии фарҳангӣ дар минтақа табодули назар намоянд.