Боздиди намояндагони IFC аз Вазорати рушди иқтисод ва савдо
ДУШАНБЕ, 10.03.2017/АМИТ «Ховар»/. Ҳадаф ва афзалиятҳои «Стратегияи миллии рушди Ҷумҳурии Тоҷикистон барои давраи то соли 2030» дар мулоқоти Неъматулло Ҳикматуллозода, Вазири рушди иқтисод ва савдои Ҷумҳурии Тоҷикистон бо Аймилиос Чатзиниколаоус намояндаи Ташкилоти Байналмилалии Молиявӣ (IFC) дар Душанбе баррасӣ гардид. Дар ин хусус ба АМИТ «Ховар» аз Вазорати рушди иқтисод ва савдои кишвар иттилоъ доданд.
Дар мулоқот ҳамзамон доир ба «Барномаи миёнамуҳлати рушди Ҷумҳурии Тоҷикистон барои солҳои 2016-2020», раванди татбиқи се ҳадафи стратегии Ҳукумати Ҷумҳурии Тоҷикистон ноил гардидан ба истиқлолияти энергетикӣ, раҳоӣ аз бунбасти коммуникатсионӣ, таъмини амнияти озуқавории кишвар ва ба кишвари транзитӣ табдил додани Тоҷикистон баррасӣ гардиданд.
Инчунин мусоҳибон масъалаҳои марбут ба рушди бахши хусусӣ, ҷалби сармоягузорӣ, таъмини ҷойҳои нави корӣ, дастгирии истеҳсолкунандагони ватаниро матраҳ намуда, ҳавасмандии худро ҷиҳати густариши минбаъдаи ҳамкории дуҷониба дар бахшҳои афзалиятдошта баён доштанд.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
