«Чархболҳои Россия» дар бозори ҳавопаймоии Тоҷикистон харидор мекобанд
ДУШАНБЕ, 30.03.2017/АМИТ «Ховар»/. Россия барои ба фурӯш баровардани чархболҳояш дар бозори ҳавопаймоии Тоҷикистон саъй менамояд. Дар ин росто Ҷамъияти саҳомии «Вертолёты Росии» /«Чархболҳои Россия»/ дар қароргоҳи ширкати миллии ҳавонавардии Тоҷикистон «Тоҷик Эйр» чархболҳои сохти Россияро муаррифӣ намуд.
Дар маросими муаррифии чархболҳои истеҳсоли Россия Хайрулло Раҳимов, директори ширкати миллии ҳавонавардии Тоҷикистон «Тоҷик Эйр» гуфт, ки муаррифии чархболҳои сохти Россия дар Тоҷикистон ба таҳкими ҳамкории ширкати миллии ҳавопаймоии Тоҷикистон «Тоҷик Эйр» бо ширкати русии «Чархболҳои Россия» ва дар ин замина омӯзиши кормандони техникӣ, баланд бардоштани таҷрибаи мутахассисони бахши ҳавонавардии кишвар дар асоси мубодилаи таҷриба баъди фурӯши чархболҳо нақши муассир мегузорад.
Дар ҷамъомад мутахассисони ширкати «Вертолёты России» доир ба зарфиятҳои муҳим ва афзалиятноки чархболҳои сохти русии МИ-8/17, Ка -226Т ва «Ансат», бахусус хусусиятҳои хизматрасонӣ ва фарқкунандаи онҳо, иҷрои парвоз ва дигар паҳлӯҳояшон гузориш доданд. Зикр шуд, ки чархболҳои сохти русӣ алҳол дар бархе аз кишварҳои ҷаҳон ва Иттиҳоди Давлатҳои Мустақил муштариёни зиёд доранд. Ин чархболҳо дар шароит ва иқлими Тоҷикистон, ки кишвари гарму кӯҳистон аст, мусоид буда, истифодаи онҳо ҷиҳати ҳифзи минтақаҳои кӯҳистонии сарҳади давлатии кишварамон хеле мувофиқ мебошад.
Хусусан тибқи арзёбии коршиносони бахши ҳавонавардӣ, чархболи «Aнсат» дорои як қатор афзалиятҳои рақобатпазир дар бозори ҳавопаймоӣ аст. Ин чархбол ҳангоми истифода хеле боэъимод буда, дар иқлими гуногун бо тафовути калон байни ҳарорати мусбат ва манфӣ истифода мешавад. «Ансат» дар ҳамлу нақли мол, мусофирон, инчунин назорат, корҳои ҷустуҷӯӣ ва амалиёти наҷотдиҳӣ, сӯхтор, расонидани ёрии тиббӣ ва дар ҳолатҳои фавқулода кӯчонидани аҳолӣ истифода мегардад.













Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






