Д. Гулмаҳмадзода: «Дар масъалаи дастрасӣ ба иттилоот имрӯз ягон монеа вуҷуд надорад»
ҚӮРҒОНТЕППА, 10.03.2017 /АМИТ «Ховар»/. Имрӯз дар шаҳри Қӯрғонтеппа бахшида ба Рӯзи матбуоти тоҷик бо иштироки раиси вилояти Хатлон Давлатшоҳ Гулмаҳмадзода ҷамъомад баргузор гардид. Д. Гулмаҳмадзода зикр кард, ки ВАО-и мамлакат дар асоси қонунҳои ҷумҳурӣ фаъолияти худро пеш мебаранд. Ҳоло дар вилоят 4 телевизион, 44 нашрияи шаҳриву ноҳиявӣ, 3 рӯзномаи вилоятии «Хатлон», «Новый Хатлон» ва «Дӯстлик» фаъолият доранд.
Ба иттилои раиси вилояти Хатлон, ҳамзамон маҷаллаҳо ва дигар нашрияҳои соҳавӣ фаъоланд. «Дар масъалаи дастрасӣ ба иттилоот имрӯз ягон монеа вуҷуд надорад ва ВАО-и ватанӣ ҳама вақт аз ҷониби Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастгирӣ меёбанд»,- иброз дошт Д. Гулмаҳмадзода.
Сипас дар ҷамъомад натиҷаи озмуни вилоятии «Неруи сухан» эълон гардид.
Дар бахши «Беҳтарин таҳқиқоти журналистӣ» ба рӯзноманигорон Сайраҳмон Назриев (маҷаллаи «Сафо»), Ҳангомаи Исмат (рӯзномаи «Хатлон») ва Азизи Фаттоҳ («Субҳи Шаҳритус») мукофотпулӣ супурда шуд. Рӯзномаи шаҳрии Қӯрғонтеппа- «Набзи Қӯрғонтеппа» дар бахши «Беҳтарин рӯзномаи шаҳрию ноҳиявӣ», намояндаи телевизиоин «Ҷаҳоннамо» Шариф Мираков дар бахши «Беҳтарин гузориши телевизионӣ» ва хабарнигори радиои вилоят Аҳмадҷон Раҳимзода дар бахши «Беҳтарин гузориши радиоӣ» барандаи мукофот дониста шуданд.
Раиси вилояти Хатлон Д. Гулмаҳмадзода ғолибони озмунро табрик намуда, ба онҳо аз 500 то 1000 сомонӣ мукофотпулӣ ва Шаҳодатнома супурд. Раиси вилоят пешниҳод кард, ки чунин озмунҳо мунтазам гузаронида шаванд, зеро онҳо ба касбияти рӯзноманигорон ва рушди соҳаҳои мухталифи вилоят таъсири мусбат мерасонанд.
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
