Дар Донишгоҳи техникии Тоҷикистон «Фестивали донишҷӯёни навовар ва ихтироъкори муассисаҳои таҳсилоти олии касбӣ» ҷамъбаст гардид
ДУШАНБЕ, 18.03.2017 /АМИТ «Ховар»/. Бо ташаббуси Вазорати маориф ва илми Ҷумҳурии Тоҷикистон дар Донишгоҳи техникии Тоҷикистон ба номи академик М. Осимӣ даври ҷумҳуриявии озмуни «Беҳтарин шеър ва ҳикояи наврўзӣ» ва «Фестивали донишҷӯёни навовар ва ихтироъкори муассисаҳои таҳсилоти олии касбӣ» доир гардид.
«Фестивали донишҷўёни навовар ва ихтироъкори муассисаҳои таҳсилоти олии касбӣ» аз рўйи чор самт- техника ва технология, информатика, тиббу биология ва иқтисодӣ баргузор гардид. Дар озмун аз 39 муассисаи таҳсилоти олии касбӣ донишҷўёни 11 муассисаи таҳсилоти олии касбӣ бо 23 лоиҳа ширкат варзиданд.
Муовини Вазири маориф ва илми ҷумҳурӣ Бозоралӣ Одиназода иброз дошт, ки бояд муассисаҳои таҳсилоти олии касбӣ бештар ба мавзўъҳое аҳамият диҳанд, ки амалишавии онҳо дар истеҳсолот имконпазир бошад.
Ҳамчунин дар озмуни «Беҳтарин шеър ва ҳикояи наврўзӣ» 17 шеър ва 14 ҳикояи наврўзии донишҷўён пешниҳоди аъзои ҳакамон гардида, мавриди баррасӣ қарор гирифт.
Дар охир ғолибон бо мукофотҳои кумитаи тадорукот қадрдонӣ шуданд.
Имрӯз дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
