Дар Донишкадаи давлатии забонҳои Тоҷикистон ба шарафи Наврӯз маҳфили «Равзана» доир гардид
ДУШАНБЕ, 17.03.2017. /АМИТ «Ховар»/. 16 март дар Донишкадаи давлатии забонҳои Тоҷикистон ба номи Сотим Улуғзода бо ташаббуси факултети филологияи тоҷик бахшида ба ҷашни байналмилалии Наврӯзи Аҷам дар доираи маҳфили «Равзана»-и кафедраи таърих ва назарияи адабиёти тоҷик бо иштироки шоири ширинсухан Хайрандеш маҳфили адабӣ баргузор гардид.
Тавре аз донишкадаи мазкур хабар доданд, декани факултети филологияи тоҷик Хосият Олимова иброз дошт, ки «Асосгузори сулҳу ваҳдати миллӣ– Пешвои миллат муҳтарам Эмомалӣ Раҳмон нисбат ба аҳли зиё, махсусан, шоирону нависандагон диққати махсус медиҳад. Дар ин замина барои дарёфти донишҷӯёни соҳибистеъдод мо дар назди факултет маҳфилеро ба роҳ мондем, ки чанд сол боз фаъолият дорад. Маҳфили «Равзана» аз маҳфилҳои овозадор буда, чанд сол аст дар он устодони сухан, шоирону нависандагони барҷастаи тоҷик ҳамчун меҳмони ифтихорӣ иштирок намуда, ҷавонони соҳибистеъдодро бо маслиҳату роҳнамоии устодона ба сӯи қуллаи мақсуд равона месозанд».
Дар маҳфил Хайрандеш дар мавзӯи Наврӯз, баҳор, ваҳдат, истиқлолият, ватан, модар шеърҳо қироат намуд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
