Дар Донишкадаи соҳибкорӣ ва хизмат Наврӯзи байналмилалиро таҷлил намуданд
ДУШАНБЕ, 20.03.2017 /АМИТ «Ховар»/. Дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон, бахшида ба ҷашни Наврӯзи байналмилалӣ барномаи фарҳангӣ- фароғатӣ доир гардид.
Диловар Қодирзода, ректори Донишкадаи соҳибкорӣ ва хизмат ҳозиринро бо фарорасии ҷашни пуршукӯҳи аҷдодӣ шодбош гуфта, зикр намуд, ки Наврӯз ҷашни шукуфтанҳо ва покиву озодагӣ мебошад.
«Наврӯз аз бедории табиат мужда дода, дар идомаи минбаъдаи корҳои созандагиву бунёдкорӣ ва пешрафту шукуфоии кишвар ба мо илҳоми тоза мебахшад. Тавре Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон дар яке аз суханрониҳои худ вобаста ба Наврӯз иброз доштанд: «Наврӯз бо обу хок, марзу бум ва рӯҳи зиндагисозу тамаддунофари аҷдоди тоҷикон пайванди ногусастанӣ дошта, расму ойинҳои он дорои рамзҳое мебошанд, ки аз қадим то имрӯз бо рӯзгори мардуми созандаву ободгар ва фарҳангиву таҳаммулгарои мо созгоранд»»,- гуфт Диловар Қодирзода.
Ҳамчунин ректори донишкада ёдовар шуд, ки 24 марти соли равон барномаҳои наврӯзӣ дар донишкада идома ёфта, Маркази рушди касбияти назди донишкада, ки бо дастгирии молиявии Фонди Хуаксин «Ман Тоҷикистонро дӯст медорам»-и ҶДММ «Хуаксин Ғаюр Семент» ҷиҳозонида шудааст, дар ҳамин рӯз ба фаъолият оғоз менамояд.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






