Дар Хатлон дар мавзӯи «Ғизои солим» ҳамоиш доир гардид

ДУШАНБЕ, 13.03.2017. /АМИТ «Ховар»/. 11 марти соли равон кормандон ва мутахассисони Маркази ташаккули тарзи ҳаёти солими вилояти Хатлон дар ҳамкорӣ бо ташкилоти ғайридавлатии «Ҳайати Шафқат» дар ноҳияи Қубодиён, Ҷамоати деҳоти тахти Сангин, деҳаи «Авесто» дар мавзӯи «Ғизои солим» бо ҷалби хоҷагиҳои деҳқонӣ ва аҳолии деҳа ҳамоиш гузарониданд. Дар ин бора аз Мақомоти иҷроияи ҳокимияти давлатии вилояти Хатлон хабар доданд.
Ҳамчунин дар ин рӯз кормандон ва мутахассисони Маркази солимии репродуктивии вилояти Хатлон дар ҳамкорӣ бо ташкилоти ҷамъияти «Томирис» дар шаҳри Қӯрғонтеппа бо занон ва оилаҳои муҳоҷирони меҳнатие, ки ба гурӯҳи осебпазир шомиланд, вохӯрӣ доир намуданд.
Ба иттилои манбаъ, баҳри баланд бардоштани савияи маърифатнокии аҳолӣ оид ба хизматрасонии соҳаи солимии репродуктивӣ тавассути барномаи телевизионии «Мусоҳибаи мо» маслиҳати мутахассис доир ба мавзӯи хизматрасонии соҳаи солимии репродуктивӣ пешкаши аҳолӣ гардонида шуд.