Дар рӯзҳои таҷлили ҷашни Наврӯз дар Хуҷанд боғи истироҳатии «Истиқлол» ба истифода дода мешавад
ХУҶАНД, 16.03.2017. /АМИТ «Ховар»/. Ба ифтихори таҷлили Наврӯзи байналмилалӣ дар шаҳру ноҳияҳои вилояти Суғд корҳои созандагиву ободонӣ вусъати тоза мегиранд. Аз ҷумла, дар шаҳри Хуҷанд раванди корҳои ободонӣ ва бунёди як зумра иншоот бомаром идома дорад.
Дар рӯзҳои таҷлили Наврӯзи Аҷам боғи навбуёди фарҳангиву истироҳатии «Истиқлол» ба истифода дода мешавад. Боғи мазкур дар масоҳати 24 000 метри мураббаъ, дар ду паҳлӯи роҳи мошингарди маҷмааи «Истиқлол» воқеъ аст.
Ҳоло дар ин мавзеъ корҳои сохтмонӣ дар арафаи анҷомёбӣ қарор дошта, боғи мазкур ба тарзи замонавӣ сохта мешавад. Он дорои ду фаввораи бо лампаҳои каммасрафи мусиқавӣ насбгардида, айвончаву курсиҳои ороишдор барои нишаст, сутунчӯбҳо бо чароғакҳои гуногунранг ва нуқтаҳои савдо мебошад. Ҳамзамон дар ин мавзеъ 20 намуди дарахтони ҳамешасабзу ороишӣ ва сояафкан бо фарогирии 500 бех ва гулҳои гуногунранг шинонида мешаванд, ки ба ҳусни ин мавзеъ таровати хоса мебахшанд.
Маҷмаа дорои осорхонаву нуқтаҳои фурӯши китобу туҳфаҳои армуғонӣ, нуқтаҳои хизматрасонии бонкӣ ва хизматрасонӣ ба сайёҳон мегардад.
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
