Дар шаҳрҳои Исфара, Истаравшан ва ноҳияи Деваштич мусобиқаи гӯштини миллӣ баргузор гардид

ДУШАНБЕ, 28.03.2017 /АМТ «Ховар»/. Бахшида ба ҷашни Наврӯз, 20- солагии Рӯзи Ваҳдати миллӣ ва Соли ҷавонон дар варзишгоҳи марказии шаҳри Исфара фестивали бозиҳои миллии варзишӣ ва мусобиқаи кушод оид ба гӯштини тарзи камарбандӣ баргузор гардид.
Тавре аз Хадамоти матбуоти Раиси вилояти Суғд хабар доданд, дар раванди фестивали бозиҳои миллии варзишӣ, ки дар варзишгоҳи марказии шаҳри Исфара бо ширкати беш аз 10 ҳазор тамошобин баргузор гардид, мусобиқаҳо оид ба дастхобониву вазнбардорӣ ва бандкашӣ низ доир карда шуданд.
Маврид ба зикр аст, ки рӯзҳои 23, 24, 25 ва 26 март дар шаҳри Истаравшан ва ноҳияи Деваштич низ мусобиқаҳо оид ба гӯштини камарбандӣ баргузор гардида, дар онҳо садҳо нафар варзишгарони шаҳру ноҳияҳои вилояти Суғд ва Ҷумҳурии Қирғизистон қувваозмоӣ намуданд.