Дар шаҳри Хоруғ 8 ҳолати дуздӣ ошкор гардиданд
ДУШАНБЕ, 10.03.2017. /АМИТ «Ховар»/. Зимни гузаронидани тадбирҳои фаврӣ-ҷустуҷӯӣ аз тарафи кормандони милитсияи Вазорати корҳои дохилии Ҷумҳурии Тоҷикистон дар ҳудуди шаҳри Хоруғ ҳамчун гумонбар дар содир намудани силсилаҷинояти дуздӣ шаҳрванд Фируз Мубаширов, бекор, истиқоматкунандаи деҳаи Тишори ноҳияи Шуғнон дастгир карда шуд. Дар ин бора аз Шуъбаи Вазорати корҳои дохилӣ дар шаҳри Хоруғ хабар доданд.
Ба гуфтаи манбаъ, номбурда дар 8 ҳолати дуздии молу мулки шахсии сокинони шаҳри Хоруғ ва ноҳияи Шуғнон даст дорад. Аз ҷумла, ӯ дар дуздии телефони мобилии тамғаи «Самсунг» ба маблағи 1300 сомонӣ, 350 метр ноқилҳои барқӣ, ки ба Ҷамъияти саҳҳомии кушодаи «Тоҷиктелеком» дар шаҳри Хоруғ тааллуқ доранд, даст дошта, инчунин аз бозори марказии шаҳри Хоруғ аз дохили мағозаҳо маводи хӯрокворӣ дуздидааст.
Айни ҳол аз тарафи Прокуратураи шаҳри Хоруғ мавод оид ба ҳодисаи мазкур мавриди баррасӣ қарор дорад. Аз тарафи Шуъбаи Вазорати корҳои дохилӣ дар шаҳри Хоруғ бо аломати 244 қисми 2 Кодекси ҷиноятии Ҷумҳурии Тоҷикистон, яъне дуздии молу мулки шаҳрвандон парвандаи ҷиноятӣ оғоз гардида, номбурда дар ҳабси пешакӣ қарор дорад.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
