Дар шаҳри Ваҳдат бахшида ба Соли ҷавонон вохӯрӣ доир гардид

ВАҲДАТ, 15.03.2017. /АМИТ «Ховар»/. Бахшида ба Соли ҷавонон эълон гардидани соли 2017 дар маркази Ҷамоати деҳоти Бозорбой Бурунови шаҳри Ваҳдат вохӯрии гурӯҳҳои кории шаҳр бо ҷавонони ҳудуди ҷамоат доир гардид.

Дар вохӯрӣ раиси ҷамоат Неъматулло Бобоев иброз намуд, ки наврасону ҷавонони моро зарур аст,  аз сиёсати ғамхоронаи   Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба ҷавонон огоҳ гардида, ҷавобан ба ин дастгириҳо тамоми саъю талоши хешро ба донишандӯзӣ, интихоби касбу ҳунарҳои муосир, ободиву пешрафти сарзамини аҷдодӣ, ҳимояи Ватан, рушди илму техника ва бунёдкорӣ равона созанд.
Ҳадафи вохӯриҳо  муттаҳидии насли ҷавон, мустаҳкам намудани риштаи дӯстӣ миёни ҷавонон ва дар якҷоягӣ мубориза бурдан бар зидди омилҳои номатлуби ҷомеа мебошад.