Дар шарқи кишвар зилзила ба қайд гирифта шуд

ДУШАНБЕ, 29.03.2017/АМИТ «Ховар»/. Субҳи 29 март соати 4:51 ба вақти маҳаллӣ дар ҳудуди Тоҷикистон зилзила ба амал омад.
Тавре ба АМИТ «Ховар» аз Хадамоти геофизикии Академияи илмҳои ҷумҳурӣ иттилоъ доданд, маркази зилзила дар километри 280-уми қисмати ҷанубу шарқи шаҳри Душанбе ва дар масофаи 15 км аз шаҳри Хоруғ воқеъ гардид.
Қувваи ларзиши замин дар маркази зилзила 4 балл ва дар шаҳри Хоруғ 3 баллро ташкил дод.
Дар Душанбе ларзиши замин эҳсос нагардид.