Хидеки Танабе: «Ҳамкории дуҷониба миёни Тоҷикистон ва Ҷопон минбаъд низ таҳким меёбад»
ДУШАНБЕ, 20.03.2017 /АМИТ «Ховар»/. Дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон мулоқоти Раиси кумита Рустам Назарзода бо сарвари тозатаъйини Агентии ҳамкории байналмилалии Ҷопон дар Тоҷикистон (JICA) Хидеки Танабе баргузор шуд.
Рустам Назарзода аз ҳамкории муваффақонаи Тоҷикистону Ҷопон дар самти коҳиши хатари офатҳо ёдрас шуда, дар бораи корҳои анҷомдодашуда дар самти ҳолатҳои фавқулода дар кишвар ва ҳамкории байналмилалӣ бо сохторҳои дахлдори кишварҳои хориҷӣ сухан кард.
Ҳамчунин Хидеки Танабе иброз дошт, ки ҳамкории дуҷониба миёни ҳукуматҳои Тоҷикистон ва Ҷопон минбаъд низ таҳким хоҳад ёфт.
Дар ҷараёни мулоқот масъалаҳои ҳамкории минбаъдаи Кумитаи ҳолатҳои фавқулода ва мудофиаи гражданӣ бо Агентии ҳамкории байналмилалии Ҷопон дар Тоҷикистон (JICA) дар самти коҳиши хатари офатҳо баррасӣ шуданд.
Ҷонибҳо ба рушди ҳамкории дуҷониба дар самти коҳиши хатари офатҳо изҳори умед карданд.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
