Хуршед Сатторов: «Матбуот ифодакунандаи афкору эҳсоси ҳамарӯзаи мардум аст»
ХУҶАНД, 10.03.2017 /АМИТ «Ховар»/. 10 март ба муносибати 105-солагии Рӯзи матбуоти тоҷик дар Мақомоти иҷроияи ҳокимияти давлатии ноҳияи Бобоҷон Ғафуров бо иштироки 25 нафар рӯзноманигорону собиқадорони матбуот ҷамъомади тантанавӣ баргузор шуд.
Тавре хабарнигори минтақавии АМИТ «Ховар» иттилоъ дод, Хуршед Сатторов, муовини раиси ноҳияи Бобоҷон Ғафуров зимни табрики ҳозирин бо 105-солагии Рӯзи матбуоти тоҷик гуфт, ки «маҳз сиёсати хирадмандонаи Пешвои миллат, Президенти кишвар Эмомалӣ Раҳмон аст, ки имрӯзҳо дар кишварамон намояндагони рӯзномаҳои давлатию хусусӣ дар шароити хубу фазои озод фаъолият мекунанд. Ин равандро мо дар вилояти Суғд, аз ҷумла ноҳия низ баръало ҳис менамоем».
Мавсуф оид ба эътимоди комил доштани мардум ба рӯзномаву расонаҳои чопӣ баён дошт, ки «матбуот ифодакунандаи афкору эҳсоси ҳамарӯзаи мардум ба шумор рафта, пешбурди ҷомеаи имрӯза бе он имконнопазир аст. Зеро нашру ривоҷи муҳимтарин ҳодисаву воқеот, дастовард ва навигариҳои тамоми соҳаҳо, чӣ бурунмарзиву чӣ хориҷӣ, маҳз бо кӯшишу заҳматҳои рӯзноманигорон ба ҷомеа пешниҳод мегардад».
Дар ҷамъомад аз номи Мақомоти иҷроияи ҳокимияти давлатии ноҳия барои ҳамкории қавӣ ба рӯзноманигорон туҳфаҳои хотиравӣ тақдим гардид.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
