Китоби «Устод Улуғзода ва ҳамдиёрони ӯ» ба нашр расид
ДУШАНБЕ, 01.03.2017 /АМИТ «Ховар»/. Китоби тозанашри рӯзноманигор ва тарҷумони варзидаи ҷумҳурӣ Қурбон Мадалиев бо номи «Устод Улуғзода ва ҳамдиёрони ӯ» ба нашр расид.
Китоби мазкур маҷмӯаи очерку суҳбатҳо, гузоришу мақолаҳои публитсистии алоқаманд ба ҳаёту фаъолияти Сотим Улуғзода, Нависандаи халқии Тоҷикистон, барандаи Ҷоизаи давлатии ба номи Абуабдуллоҳи Рӯдакиро дар бар гирифта, чанд порае аз ҳаёту фаъолияти ӯ бори аввал рӯи чоп омадаанд.
Муаллифи китоб таъкид месозад, ки маҳз бо эҳтимом ва хидматҳои ин абармард чеҳраҳои барҷастаи таъриху тамаддуни тоҷикон- Абуабдуллоҳи Рӯдакӣ, Абулқосими Фирдавсӣ, Абуалӣ ибни Сино, Аҳмади Дониш ба мардуми Иттиҳоди Шӯравӣ ва фаротар аз он муаррифӣ гашта, асарҳои саҳнавӣ ва филмномаҳои таърихии «Қисмати шоир», «Ибни Сино», «Аллома Адҳам» ва достонҳои алоҳидаи «Шоҳнома» ба хазинаи тиллоии синамо ва театри тоҷик ворид шудаанд.
Дар асар К.Мадалиев ҳамчунин зикр кардааст, ки: «Филмномаву драмаҳои устод Улуғзода мавзӯи худшиносӣ, ҳақталошӣ ва эҳёи хотираи таърихӣ ва ҳимояи Ватану шарафи инсониро таҳким бахшидаанд».








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






