Кумаки Хазинаи глобалӣ ба Маркази пешгирӣ ва мубориза бо ВМНО-и вилояти Суғд
ДУШАНБЕ, 29.03.2017 /АМИТ «Ховар»/. Дар оғози соли 2017 барои Маркази пешгирӣ ва мубориза бо вируси норасоии масунияти одам (ВМНО)-и вилояти Суғд бо кумаки Хазинаи глобалӣ ба маблағи зиёда аз 167 ҳазору 682 сомонӣ таҷҳизоти тиббӣ харида шудааст. Дар ин бора аз Маркази пешгирӣ ва мубориза бо ВМНО-и вилояти Суғд ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Гуфта мешавад, ки дар марказ минбаъд дастгоҳи ташхис бо усули аксуламали занҷири полимеразӣ фаъолият намуда, кори масъулонро дар самти ташхис ва муоинаиву дарёфти гирифторони ВИЧ-СПИД миёни аҳолӣ соддатар менамояд.
«Ҳамчунин аз ҷониби Хазинаи глобалӣ ба маблағи 176 ҳазор сомонӣ дар Маркази пешгирӣ ва мубориза бо ВМНО-и вилояти Суғд анбори захираи маводи доруворӣ сохта шуд ва рӯзҳои наздик мавриди баҳрабардорӣ қарор дода мешавад»,-хабар доданд аз Вазорати тандурустии кишвар.
Имрӯз дар Тоҷикистон чангу ғубор ба амал меояд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
