Мирзоаҳмад Аҳмадзода: «Дар 5 кластери Маркази миллии тестӣ 800 ихтисос ба роҳ монда шудааст»
ДУШАНБЕ, 03.03.2017 /АМИТ «Ховар»/. Дар муассисаи таҳсилоти миёнаи умумии №2-и ноҳияи Ашт вохӯрии масъулини бахши минтақавии Маркази миллии тестии назди Президенти Ҷумҳурии Тоҷикистон дар вилояти Суғд бо падару модарон ва хатмкунандагони муассисаҳои таҳсилоти миёнаи умумии ноҳия доир гардид.
Тавре аз Хадамоти матбуоти Раиси ноҳияи Ашт хабар доданд, Муяссар Ҳайдарзода, мудири шуъбаи маорифи ноҳияи Ашт гуфт: «Мақсад аз вохӯрӣ бо хатмкунандагони муассисаҳои таҳсилоти миёна шинос намудани онҳо бо фаъолияти Маркази миллии тестӣ ва интихоби дурусти касб мебошад».
Мирзоаҳмад Аҳмадзода, сардори бахши минтақавии Маркази миллии тестии назди Президенти Ҷумҳурии Тоҷикистон дар вилояти Суғд чунин гуфт: «Имрӯз дар 5 кластери Маркази миллии тестӣ 800 ихтисос ба роҳ монда шудааст, ки довталабон метавонанд аз рӯи завқ ва хоҳиши худ ихтисосро интихоб намоянд. Бақайдгирии довталабон аз 1 март оғоз гардид, ки то 15 апрели соли равон идома меёбад.
Имрӯз дар Тоҷикистон чангу ғубор ба амал меояд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
