Мулоқоти Сафири Тоҷикистон бо Директори иҷроияи лоиҳаи «Шоҳроҳи Абрешим»-и Созмони ҷаҳонии туристӣ
ДУШАНБЕ, 14.03.2017 /АМИТ «Ховар»/. Дар доираи кори Намоишгоҳи байналмилалии «ITB BERLIN-2017» дар Олмон Сафири Тоҷикистон Маликшо Неъматов бо Директори иҷроияи барномаи «Шоҳроҳи Абрешим»-и Созмони ҷаҳонии туристӣ Алла Пересолова мулоқоти корӣ анҷом дод. Зимни суҳбат мавзӯи ҳамкории Ҷумҳурии Тоҷикистон бо Созмони ҷаҳонии туристӣ ва алалхусус нақши Ҷумҳурии Тоҷикистон дар амалигардонии лоиҳаи «Шоҳроҳи Абрешим» мавриди баррасӣ қарор гирифтанд.
Хонума Алла Пересолова дар ҷараёни суҳбат иброз дошт, ки Ҷумҳурии Тоҷикистон дар Шоҳроҳи абрешими таърихӣ ҷойгоҳи хоси худро дорад, бинобар ин имрӯзҳо сохторҳои дахлдори кишварро зарур аст, ки фаъолона дар чорабиниҳои лоиҳаи «Шоҳроҳи Абрешим»-и Созмони ҷаҳонии туристӣ иштирок намоянд.
Сафири Ҷумҳурии Тоҷикистон ба ҳамсуҳбаташ маълум намуд, ки Ҷумҳурии Тоҷикистон имсол бо як гӯшаи алоҳида дар сатҳи баланд дар намоишгоҳи Берлин иштирок карда, ҳамзамон дар се гӯшаи дигар зери номи рамзии «Шоҳроҳи абрешим» бо кишварҳои минтақа якҷоя имконоту захираҳои бойи сайёҳии Тоҷикистонро муаррифӣ доранд.
Суҳбат дар фазои дӯстона ва ҳусни тафоҳуми ҳамдигарӣ баргузор гардид.
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
