Нақши сиёсати хирадмандонаи Пешвои миллат дар рушду нумуи фаъолияти иқтисодии берунӣ

ДУШАНБЕ, 13.03.2017 /АМИТ «Ховар»/. «Нақши сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушду нумуи фаъолияти иқтисодии берунӣ» — таҳти ин мавзӯъ дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон семинари илмӣ-амалӣ баргузор гардид. Дар ин бора аз донишкадаи мазкур иттилоъ доданд.
Дар семинар Диловар Қодирзода, ректори донишкадаи мазкур зикр намуд, ки масъалаи матраҳшаванда, яъне сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушду нумуи фаъолияти иқтисодии берунӣ барои шароити имрўзаи иқтисодиёти миллии кишвари мо мувофиқи талаботи ҷомеа буда, татбиқи бонизоми он аз ҷониби сохторҳои идоракунии давлатӣ ва субъектҳои хоҷагидорӣ ба манфиати таҳкими пояҳои иқтисодии мамлакат мебошад.
Инчунин иштирокчиёни ҷамъомад дар мавзӯи мазкур маърўзаҳои худро пешниҳод карда, оид ба тадбирҳо ҷиҳати татбиқи сиёсати пешгирифтаи Пешвои миллат, дар рушди фаъолияти иқтисодии берунӣ ва шароити имрўзаи болоравии иқтисодиёти миллӣ изҳори назар карданд.