Наврӯз айёми баробаршавии шабу рӯз аст

ДУШАНБЕ, 17.03.2017 /АМИТ «Ховар»/. Имрӯз дар Раёсати филиали Донишгоҳи давлатии Москва ба номи М.В. Ломоносов дар шаҳри Душанбе таҳти унвони «Таърихи пайдоиш ва таҷлили Наврӯзи байналмиллалӣ» ҳамоиш баргузор гардид.
Дар ҳамоиши мазкур донишҷӯёни филиали донишгоҳ вобаста ба таҷлили Наврӯзи Аҷам бо шаш забон сухан гуфта, дар бораи «ҳафт син» ва «ҳафт шин» маълумот доданд.
Ҳамчунин гуфта шуд, ки Наврӯз иди гузаштаи аҷдодони мо буда, ҳамчун мерос ба мо боқӣ мондааст.
«Наврӯз ҷашни фарорасии баҳори нозанин, зиндашавии табиат, оғози корҳои кишоварзӣ, боғдорӣ ва айёми баробаршавии шабу рӯз дар баҳор мебошад. Моҳи феврали соли 2010 дар ҷаласаи 64 Ассамблеяи генералии СММ қатъномаи «Рӯзи ҷаҳонии Наврӯз» ба тавсиб расид ва он бо пешниҳоди кишварҳои Тоҷикистон, Афғонистон, Эрон, Озарбойҷон, Қазоқистон, Қирғизистон, Туркия ва Туркманистон мавриди баррасӣ қарор гирифт»,- зикр гардид дар ҳамоиш.
Наврӯз ҷашни фарорасии баҳори нозанин, зиндашавии табиат, оғози корҳои кишоварзй ва боғдорй, айёми баробаршавии шабу рӯз дар баҳор мебошад. Аз нигоҳи ҳисоби ситорашиносй, Наврӯз рӯзест, ки офтоб ба бурҷи барра (ҳамал) ворид мешавад.