«Наврӯз дар тасвири кӯдакон» — озмуни расмкашӣ дар муассисаҳои томактабии ноҳияи Спитамен

 СПИТАМЕН, 03.03.2017. /АМИТ «Ховар»/.  – Бахшида ба таҷлили ҷашни Наврӯз бо мақсади тарғибу ташвиқи ғояҳои миллӣ, баланд бардоштани ҳисси хештаншиносӣ ва огаҳӣ ёфтан аз анъанаҳои таҷлили ин ҷашни аҷдодӣ тибқи нақшаи чорабиниҳои шуъбаи маорифи ноҳия Спитамен дар моҳи март дар муассисаҳои томактабии ноҳия озмуни расмкашӣ таҳти унвони «Наврӯз дар тасвири кӯдакон» гузаронида мешавад.

Тавре  ба АМИТ «Ховар» масъулин аз шуъбаи маъорифи ноҳия иттилоъ доданд, ҳамчунин дар доираи чорабиниҳои наврузӣ дар муассисаҳои таҳсилоти миёнаи умумӣ озмуни «Арӯси наврӯзӣ» ва намоиши маҳсули эҷодии рассомони ҷавон бо номи «Тоҷикистон Ватани Наврӯз аст!» доир мегарданд.

Ғолибон ва иштирокчиёни фаъоли озмунҳо дар арафаи таҷлили Иди Наврӯз бо диплом ва туҳфаҳои хотиравии шуъбаи маъорифи ноҳия сарфароз мегарданд.