Неругоҳи барқии деҳаи Андарбаки водии Язгулом баъди навсозӣ бо иқтидори бештар ба кор андохта шуд
ХОРУҒ, 14.03.2017. /АМИТ «Ховар»/. Неругоҳи хурди барқии Андарбаки водии Язгулом ягона манбаи таъминкунандаи сокинони ин водӣ бо неруи барқ мебошад. Ду сол пеш бар асари обхезию ҷорӣ шудани сел бинои асосӣ, шабакаи обрасонӣ ва чархҳои неругоҳ шадидан осеб дида, боиси аз фаъолият бозмондани ин неругоҳ гардид. Моҳи марти соли гузашта ширкати барқии «Помирэнерҷӣ» бо ҷалби коргарони Ҷамъияти дорои масъулияти маҳдуди «Назрӣ» ба навсозии ин неругоҳ оғоз кард ва дар давоми як сол онро ба итмом расонд. Муҳандиси ширкати мазкур Умед Юсуфхонов гуфт, ки «ин неругоҳ соли 1999 бо иқтидори 300 киловатт бунёд ёфт ва ба сабаби офатҳои пай дар паи чанд соли охир комилан хароб гашт. Аз ин рӯ ширкати «Помирэнерҷӣ» ба қароре омад, ки тамоми иншоот ва таҷҳизоти онро аз сари нав бисозад. Барои таҷдиди неругоҳ 375 ҳазору 571 доллари амрикоӣ ихтисос дод ва дар муддати як сол неругоҳ ба кор андохта шуд».
Соли равон бунёди боз як неругоҳи дигар бо тавоноии 300 киловатт дар деҳаи Мотаравни ин водӣ дар назар дошта шудааст. Неругоҳи мазкур бо дастгирии Ҳукумати Кореяи Ҷанубӣ дар ҳамкорӣ бо Вазорати энергетика ва оби Ҷумҳурии Тоҷикистон сохта мешавад.
Пагоҳ дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
