Оғози сафари кории Вазири корҳои дохилӣ ба вилояти Суғд
ДУШАНБЕ, 16.03.2017. /АМИТ «Ховар»/. Шоми дирӯз Вазири корҳои дохилии Ҷумҳурии Тоҷикистон Рамазон Раҳимзода ба вилояти Суғд сафари корӣ намуд.
Тавре аз Вазорати корҳои дохилии Ҷумҳурии Тоҷикистон хабар доданд, сафари кории Рамазон Раҳимзода бо мақсади аз наздик шинос шудан бо шароит ва хизматбарии ҳайати шахсии мақомоти корҳои дохилӣ, ҷараёни корҳои созандагиву ободонӣ дар ҷузъу томҳои ВКД, боздид аз маъракаи ниҳолшинонӣ дар хоҷагии ёрирасони Раёсати ВКД дар вилояти Суғд ва баргузор намудани мулоқот бо ҳайати шахсии милитсияи минтақа мебошад.
Инчунин дар доираи сафари корӣ бо ташаббуси Вазири корҳои дохилии Ҷумҳурии Тоҷикистон Рамазон Раҳимзода дар варзишгоҳи «Шоҳин»-и шаҳри Гулистон бозии дӯстонаи футболи хурд байни дастаҳои Динамо»-и ВКД ва «Эсхата»-и Бонки Эсхата таҳти шиори «Ҷавонон- неруи созанда» баргузор шуд.
Дар мусобиқа тими «Динамо»-ро варзишгарони Шӯрои варзишии ҷумҳуриявӣ бо роҳбарии Вазири корҳои дохилӣ муаррифӣ намуда, ҳайати дастаи «Эсхата»-ро як гурӯҳ ҷавонони болаёқат, ки дастаро дар чандин мусобиқаҳои сатҳи вилоятӣ ба пирӯзӣ ноил гардонидаанд, муаррифӣ намуданд.
Дар бозии мазкур варзишгарони ҳарду даста фаъолона иштирок намуда, маҳорати баланди варзишӣ нишон доданд.
Ҷараёни бозӣ нишон дод, ки аъзои дастаи «Динамо»-и ВКД пешсафиро ба даст гирифта, дар қисмати аввал ба дарвозаи ҳариф 6 гол ворид намуданд. Ҳамчунин дар ин қисмат футболбозони дастаи «Эсхата» ба дарвозаи меҳмонон 3 гол ворид намуданд.
Дар қисмати дуюми мусобиқаи дӯстона низ бозингарони дастаи «Динамо» пешсафиро аз даст надода, ғолибиятро ба даст оварданд.
Дар натиҷа бозии дӯстона ба фоидаи дастаи «Динамо»-и ВКД ба анҷом расид.
Айни ҳол сафари кории Вазири корҳои дохилӣ дар вилояти Суғд идома дорад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
