«Ҷоми Академияи илмҳои Ҷумҳурии Тоҷикистон» донишҷӯёнро интизор аст

ДУШАНБЕ, 06.03..2017 /АМИТ «Ховар»/. Раёсати Академияи илмҳои Ҷумҳурии Тоҷикистон бахшида ба Соли ҷавонон 10-11 марти соли равон олимпиадаи донишҷўёни муассисаҳои таҳсилоти олии касбии ҷумҳуриро барои дарёфти «Ҷоми Академияи илмҳои Ҷумҳурии Тоҷикистон» баргузор менамояд.
Тавре аз Хадамоти матбуоти Академияи илмҳои Ҷумҳурии Тоҷикистон хабар доданд, мақсади олимпиада баланд бардоштани шавқу ҳаваси донишҷўёни муассисаҳои таҳсилоти олии касбии ҷумҳурӣ ба омўзиши илмҳои муосир, ташаккули тафаккури илмӣ ва техникии онҳо, инчунин дарёфти донишҷўёни лаёқатманд ҷиҳати ҷалби онҳо ба соҳаҳои илм мебошад.
Дар олимпиадаи мазкур донишҷўёни зинаи бакалавр ва мутахассиси курсҳои 1-5-уми муассисаҳои таҳсилоти олии касбӣ, ки аз рўи 12 соҳаи илм (математика, физика, астрономия, химия, геология, биология, иқтисодиёт, технологияҳои иттилоотӣ, забон ва адабиёти тоҷик, таърих, фалсафа, ҳуқуқ ва сиёсатшиносӣ) гузаронида мешавад, иштирок карда метавонанд.
Барои иштирок дар олимпадаи мазкур пешниҳоди ҳуҷҷати тасдиқкунандаи донишҷўӣ (дафтарчаи донишҷўӣ) ҳатмист.