Ошкор намудани чанд дуздӣ ба маблағи беш аз 40 ҳазор сомонӣ дар Хоруғ
ДУШАНБЕ, 03.03.2017. /АМИТ «Ховар»/. Ба Шуъбаи Вазорати корҳои дохилии Ҷумҳурии Тоҷикистон дар шаҳри Хоруғ аризаи шаҳрванд Муслим Шерзамонов, сокини кӯчаи Иҷубови шаҳри Хоруғ дар он хусус ворид гардид, ки 26 феврали соли 2017, тахминан соати 21:00, шахсони номаълум аз пеши хонаи истиқоматиаш мошини тамғаи «Чанху», рақами давлатиаш ВХ 93-24 РТ 01-ро дуздида аз ҷойи ҳодиса ғайб задаанд. Дар ин бора аз Раёсати Вазорати корҳои дохилӣ дар Вилояти Мухтори Кӯҳистони Бадахшон хабар доданд.
Дар вақти гузаронидани чорабиниҳои фаврӣ-ҷустуҷӯӣ аз тарафи кормандони милитсияи ШВКД дар шаҳри Хоруғ ҳамчун гумонбар дар содир намудани якчанд ҷиноят Мирзоазиз Мародбеков, соли таваллудаш 1991, истиқоматкунандаи деҳаи Риҷисти ноҳияи Роштқалъа дастгир гардид.
Зимни пурсиш маълум гардид, ки номбурда воситаи нақлиёти тамғаи «Чанху»-ро ба самти ноҳияи Роштқалъа- деҳаи Занудҷ бурда, дар ҷойи таъмири мошинҳо бо нияти ҳамчун қисми эҳтиётӣ фурӯхтан мондааст. Номбурда мехостааст маблағи гирифтаро ба манфиати шахсиаш сарф намояд.
Инчунин зимни тафтишот аз тарафи кормандони шуъбачаи тафтишотии ШВКД дар шаҳри Хоруғ маълум гардид, ки Мирзоазиз Мародбеков бо ҳамроҳии Парвиз Ғарибмамадов, соли таваллудаш 1990, сокини шаҳри Хоруғ, моҳи феврали соли 2016 ба тариқи пинҳонӣ дар ноҳияи Роштқалъа аз оғилхонаи шаҳрвандон мол дуздида, маблағҳои аз ин ҳисоб бадастовардаро ба манфиати шахсии худ истифода намудаанд. Дар умум ба сокинони шаҳри Хоруғ ба маблағи 41 ҳазору 20 сомонӣ зарари моддии ҷиддӣ расонидаанд. Аз номбурдагон далелҳои шайъӣ қисман гирифта шуданд.
Айни ҳол нисбат ба Мирзоазиз Мародбеков парвандаи ҷиноятӣ оғоз гардида, тафтишот дар ин самт идома дорад. Номбурдагон дар ҳабси пешакӣ қарор доранд.
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
