«Рӯзнома аз нигоҳи ҷавонон»-ҷамъомад бахшида ба Рӯзи матбуоти тоҷик
ДУШАНБЕ, 03.03.2017 /АМИТ «Ховар»/. Дар доираи таҷлили Рӯзи матбуоти тоҷик дар Коллеҷи технологии ба номи Абдулаҳад Қаҳҳорови шаҳри Конибодом таҳти унвони «Рӯзнома аз нигоҳи ҷавонон» ҷамъомад доир гардид.
Тавре аз Хадамоти матбуоти Раиси вилояти Суғд хабар доданд, дар он Абдусаттор Содиқов, Раиси созмони шаҳрии Иттифоқи журналистони Тоҷикистон, сармуҳаррири рӯзномаи маҳаллии «Садои Конибодом», Парвина Абдуллоева, котиби матбуотии Раиси шаҳри Конибодом ва дигар рӯзноманигорон иштирок намуданд.
«Абдусаттор Содиқов оид ба таърихи рӯзномаи «Садои Конибодом» сухан карда, ҳамзамон ҷавононро бо чанд нусха шумораҳои аввали он ошно кард, ки таҳти номҳои «Болшевики Конибодом», «Роҳи Сталин» ва «Машъали Коммунизм» рӯи чоп омадаанд»,-хабар дод манбаъ.
Парвина Абдуллоева иброз дошт, ки мақомоти иҷроияи маҳаллии ҳокимияти давлатӣ бахшида ба Рӯзи матбуоти тоҷик, ки ҳамасола 11 март дар қаламрави кишвар таҷлил мегардад, силсилачорабиниҳоро доир менамояд.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






