Роҳбари гурӯҳи террористии «Давлати исломӣ» мағлубиятро эътироф карда, ба ҷонибдоронаш падруд гуфт
ДУШАНБЕ, 02.03.2017 /АМИТ «Ховар»/. Роҳбари гурӯҳи террористии «Давлати исломӣ» Абубакр ал-Бағдодӣ мағлубиятро дар амалиёти ҷангии охирин дар Ироқ эътироф кард. Дар ин бора шабакаи телевизиони «Ас-Сумария» бо истинод ба манбаъ аз музофоти Найнаво хабар медиҳад.
Бино ба иттилои манбаи шабакаи телевизион, ал-Бағдодӣ ба ҳаммаслакони наздики худ бо «сухани видоӣ» муроҷиат карда, дар он дар бораи қатъи фаъолияти мақоме, ки амали ҷангиёнро дар ин минтақа ҳамоҳанг менамуд, эълон кардааст. Ал-Бағдодӣ террористонро ба ақибнишинӣ ё пинҳон шудан даъват кардааст. Ӯ ҳамчунин ҷангиёнро даъват намудааст, ки ё ба ватан баргарданд, ё маргталаб шаванд.
Манбаъ меафзояд, ки роҳбарони Шӯро ва фармондеҳони наздики ал-Бағдодӣ аз минтақаи Тел-Афар ва музофоти Найнаво ба самти Сурия фирор кардаанд.
Ёдовар мешавем, амалиёти неруҳои Ироқ ва эътилофи байналмилалӣ оид ба озоднамоии Мосул моҳи октябри соли 2016 оғоз гардида буд. Рӯзи чоршанбе, 1 март неруҳои Ироқ дар бораи зери назорат гирифтани охирин роҳи калони ғарби Мосул, ки такягоҳи ДИ дар Ироқ маҳсуб мешуд, эълон намуданд.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
